ياتري ايه اكتر حاجه بيحبها الولد في البنت؟؟
في ولد يعشق البنت الذكيه وده لأنه ذكي ويحب تكون شريكة حياته نبيهه وعقلها نضيف عشان مايغلبش معاها وعشان مايعانيش من غبائها اصل بصراحه الغباء ده ابتلاء
وفي ولد مايحبش البنت الذكيه ويقول اصل دي دماغها شغاله علي طول و هاتتعبني معاها وهتجادلني طول الليل والنهار وهاتبقي متفلسفه كده وشايف روحها واهي برضه اراء
وفي ولد يحب البنت الناعمه الرقيقه البسكوته زي مابنقول
وولد تاني ميحبش البنت دي وعايز بت خشنه كده وجدعه وبميت راجل عشان ماتكونش مطمع لباقي الرجاله
[size=25]نيجي بقي للبنت
في بنت تحب الراجل الحمش القوي اللي موريها الويل وواخدها غسيل ومكواه لحد ماينحل وبرها ويطلع عينها طول النهار يأمرها وينهيها وهي راضيه وعلي قلبها زي العسل
وبنت تانيه تحب الراجل الضعيف شويه لأنها بتقدر تسيطر عليه وتمشيه علي مزاجها
وفي الاول والاخر كل واحد حر في اختياره واختيارتنا طبعا بتدل علي طريقه تفكيرنا انت بقي ايه رأيك؟؟
ياتري ايه اكتر حاجه ممكن يحبها الولد في البنت وياتري ايه اكتر حاجه ممكن تحبها البنت في الولد الي هيشاركها حياتها؟؟
ياريت تشاركوني بأرائكم ويارب الموضوع ينال اعجابكم
[/size]